||Devi Mahatmyam ||
||| Devi Sapta Sati||
|| Chapter 9||
||om tat sat||
Select text in Devanagari Kannada Gujarati English
uttara caritamu
mahāsarasvatī dhyānam
ghaṇṭāśūlahalāni śaṁkhamusalē cakraṁ dhanuḥ sāyakaṁ
hastābjairdadhatīṁ ghanāntavilasat śītāṁśu tulyaprabhām|
gaurīdēhasamudbhavāṁ trijagatāṁ ādhārabhūtāṁ mahā
pūrvāmatra sarasvatīmanubhajē śumbhādi daityārdinīm||
||ōm tat sat||
=============
navamādhyāyaḥ ||
rājōvāca||
vicitramidamākhyātaṁ bhagavan bhavatā mama|
dēvyācaritamāhātmyaṁ raktabījavadhāśritam||1||
bhūyaścēcchāmyahaṁ śrōtuṁ raktabījē nipātitē|
cakāraśumbhō yatkarma niśumbhāścātikōpanaḥ||2||
r̥ṣi ruvāca||
cakāra kōpamatulaṁ raktabījē nipātitē|
śumbhāsurō niśumbhaśca hatēṣvanyēṣu cāhavē||3||
hanyamānaṁ mahāsainyaṁ vilōkyāmarṣamudvahan|
abhyadhāvanniśumbhō'tha mukhyayāsurasēnayā||4||
tasyāgratastathā pr̥ṣṭē pārśvayōśca mahāsurāḥ|
sandaṣṭauṣṭha puṭāḥ kruddhā hantuṁ dēvīmupāyayuḥ||5||
ājagāma mahāvīryaḥ śumbhō'pi svabalairvr̥taḥ|
nihantuṁ caṇḍikāṁ kōpāt kr̥tvā yuddhaṁ tu mātr̥bhiḥ||6||
tatōyuddhamatīvāsīt dēvyā śumbhaniśumbhayōḥ|
śaravarṣamatīvōgraṁ mēghayōriva varṣatōḥ||7||
cicchēdā tān śarāṁ tābhyāṁ caṇḍikā svaśarōtkaraiḥ|
tāḍayāmāsa cāṁgēṣu śastraughairasurēśvarau||8||
niśumbhō niśitaṁ khaḍgaṁ carma cādāya suprabham|
atāḍayanmūrthni siṁhaṁ dēvyā vāhanamuttamam||9||
tāḍitē vāhanē dēvī kṣura prēṇāsimuttamam|
niśumbhasyāśu cicchēda carma cāpyaṣṭacandrakam||10||
cinnēcarmaṇi khaḍgē ca śaktiṁ cikṣēpa sō'suraḥ|
tāmapyasya dvidhā cakrē cakrēṇābhimukhāgatām||11||
kōpādhmātō niśumbhō'tha śūlaṁ jagrāha dānavaḥ|
āyāntaṁ muṣṭipātēna dēvī taccāpyacūrṇayat||12||
āviddyātha gadāṁ sō'pi cikṣēpa caṇḍikāṁ prati|
sāpi dēvyā triśūlēna bhinnā bhasmatvamāgatā||13||
tataḥ paraśuhastaṁ tamāyāntaṁ daityapuṁgavaṁ|
āhatya dēvī bāṇaughaiḥ apātayata bhūtalē||14||
tasminnipatitē bhūmau niśumbhē bhīmavikramē |
bhrātaryatīva saṁkr̥ddhaḥ prayayau hantumambikām||15||
sa rathasthaḥ tathātyucchaiḥ gr̥hītaparamāyudhaiḥ|
bhujairaṣṭābhiratulaiḥ vyāpyāśēṣaṁ babhau nabhaḥ||16||
tamāyāntaṁ samālōkya dēvī śaṁkhamavādayat|
jyāśabdaṁ cāpi dhanuṣaḥ cakārātīva duḥsaham||17||
pūrayāmāsa kakubhō nijaghaṇṭāsvanēna ca|
samasta daitya sēnyānāṁ tējō vatha vidhāyinā||18||
tataḥ siṁhō mahānādaiḥ tyājitēbha mahāmadaiḥ|
pūrayāmāsa gaganaṁ gāṁ tathōpa diśō daśa||19||
tataḥ kāḷī samutpatya gaganaṁ kṣmāmatāḍayat|
karābhyāṁ tanninādēna prāksvanāstē tirōhitāḥ||20||
aṭṭāṭṭahāsamaśivaṁ śivadūtī cakāraha|
taiḥ śabdairasurāstrēsuḥ śumbhaḥ kōpaṁ paraṁ yayau||21||
durātmaṁ tiṣṭhatiṣṭhēti vyājahārāmbhikā yadā|
tadā jayētyabhihitaṁ dēvairākāśasaṁsthitaiḥ||22||
śumbhēnāgatya yā śaktiḥ muktā jvālātibhīṣaṇā|
āyāntī vahnikūṭābhā sā nirastā mahōlkayā||23||
siṁhanādēna śumbhasya vyāptaṁ lōkatrayāntaram|
nirghāta niḥsvanō ghōrō jitavānavanīpatē||24||
śumbhamuktān śarān dēvī śumbhastatprahitān śarān|
cicchēda svaśarairugraiḥ śataśō'tha sahasraśaḥ||25||
tataḥ sā caṇḍikā kruddhā śūlēnābhijaghāna tam|
sa tadābhihatō bhūmau mūrchitō nipapāta ha||26||
tatō niśumbhaḥ samprāpya cētanāmāttakārmukaḥ|
ājaghāna śarairdēvīṁ kāḷīṁ kēsariṇam tathā||27||
punaśca kr̥tvā bāhūnām ayutaṁ danujēśvaraḥ|
cakrāyudhēna ditijaḥ chādayāmāsa caṇḍikām||28||
tatō bhagavatī kruddhā durgā durgārtināśinī|
cicchēda tāni cakrāṇi svaśaraiḥ sāyākāṁśca tān||29||
tatō niśumbhō vēgēna gadāmādāya caṇḍikām|
abhyadhāvata vai hantuṁ daityasēnā samāvr̥taḥ||30||
tasyāpatata ēvāśu gadāṁ cicchēda caṇḍikā|
khaḍgēna śitadhārēṇa sa ca śūlaṁ samādadhē||31||
śūlahastaṁ samāyāntaṁ niśumbhamamarārdanam|
hr̥di vivyātha śūlēna vēgāviddhēna caṇḍikā ||32||
bhinnasya tasya śūlēna hr̥dayān niḥsr̥tō'paraḥ|
mahābalō mahāvīryaḥ tiṣṭhēti puruṣō vadan||33||
tasya niṣkrāmatō dēvī prahāsya svanavattataḥ|
śiraścicchēda khaḍgēna tatō'sāvavatadbhuvi||34||
tataḥ siṁhaścakhādōgra daṁṣṭrākṣuṇṇa śirōdharān|
asurāṁstāṁ stathā kāḷī śivadūtī tathāparān ||35||
kaumārī śakti nirbhinnāḥ kēcinnēśurmahāsurāḥ|
brahmāṇī mantrapūtēna tōyēnānyē nirākr̥tāḥ||36||
māhēśvarī triśūlēna bhinnāḥ pētustathāparē|
vārāhī tuṇdaghātēna kēciccūrṇīkr̥tā bhuvi||37||
khaṇdaṁ khaṇḍaṁ ca cakrēṇa vaiṣṇavyā dānavāḥ kr̥tāḥ |
vajrēṇa caindrī hastāgra vimuktēna tathāparē||38||
kēcidvinē śurasurāḥ kēcinnaṣṭā mahāhavāt|
bhakṣitāścāparē kāḷī śivadūtī mr̥gādhipaiḥ||39||
iti mārkaṇḍēya purāṇē sāvarṇikē manvantarē
dēvī mahātmyē niśumbha vathō nāma
navamādhyāyaḥ ||
|| ōm tat sat||
updated 27 09 2022
=====================================